දුරකථන අලුත්වැඩියාවට කලින් අපිට ඕනි මුලික දැනුම ටිකක්.
මොකද්ද මේ IMEI අංකය කියන්නේ,
අන්තර් ජාතික ජංගම දුරකථන අනන්‍යතාවය,මේක යොදා ගන්නේ ජංගම දුරකතනයේ අනන්‍යතාවය තහවුරු කරගන්න.ඒත් අපිට පුළුවන් මේ අංකය යොදාගෙන දුරකතනයේ ගැටළු හොයා ගන්නත් යොදාගන්න පුළුවන්.සාමාන්‍යයෙන් ජංගම දුරකතනයක මේ IMEI අංකය තිබිය යුතුම අතර එය නැත්නම් එම දුරකථනය නියමිත ප්‍රමිතියට සැකසුවක් නොවේ.*#06# ගහපු ගමන් අපිට මෙම අංකය බලා ගන්න පුළුවන්.දැන් අලුතින් එන බොහොමයක් Chainese Phone වල මෙම IMEI අංකය නැහැ.ඉතින් කියන්න තියෙන්නේ ඒ වගේ Phone එකකට නම් ඇත තියන්න වත් එපා.මේකේ දුරකථන අලුත්වැඩියා කරනකොට වැදගත් වෙන අවස්ථා 2ක් තියනවා!
1.නැති වූ දුරකථනයක් සොයාගැනීම.
2.අලුත්වැඩියාවේදී ඇතිවන අපහසුතා මඟහරවා ගැනීමට.
(මේ
සම්බන්ධයෙන් අපි පසුව කතා කරමු.)
අපි බලමු දුරකතනයකින් ඇමතුමක් ගැනීමේදී සිද්ද වෙන්නේ මොකද්ද කියලා.
ජංගම දුරකතනයක දුරකථන ඇමතුමක් ලබා ගැනීමේදී signal වල සහය පැතීම අවශ්‍ය වෙනවා.මෙහිදී විද්‍යුත් චුම්බක තරංග යොදා ගැනෙන අතර ලැබෙන තරංගය Rx(Reserved X
way) ලෙස හඳුන්වන අතර ගන්ගම දුරකතනයේ සිට දුරකථන ග්‍රාහක කුලුනට යන තරංගය Tx (Transfer X way)ලෙස හඳුන්වනු ලැබේ.
අපි අපිට අවශ්‍ය දුරකථන අංකය dial කල සැනින් අපේ දුරකතනයේ සිට Tx තරංගයක් කුලුනට ගමන් කරලා අපේ දුරකථන සම්බන්ධතාවයට අදාළ සමාගමේ සේවා පරිඝනකයකට ඇතුල් වන අතර එමගින් අදාළ අංකය විශ්ලේෂණය කර දුරකථන අංකයට අදාළ දුරකතනයට තරංගයක් යවනු ලැබේ.එම දුරකතනයෙන් අදාළ signal එක ලැබුන ගමන් අනික් පැත්තට ආයත් signal එකක් එවනවා.කලින් ගිය මාර්ගය ඔස්සේම ඒ signal එකත් අපේ දුරකතනයට ලැබෙනවා Rx තරඟයක් විදිහට.මේක මම සරල කරලා කිව්වට ඉතාම සංකීර්ණ කටයුත්තක්,ඒ උනාට සිද්ද වෙන්නේ තත්පරයටත් අඩු කාලයකදී. පහත රූපයයෙන් ඒ ගැන අදහසක් ගන්න පුළුවන්.
තව ඔයාලට දැනගන්න දේවල් තියනවා නම් Comment එකක් දාන්න.
හොඳයි.දුරකථනය ඇතුලේ සිද්ද වෙන ක්‍රියාවලිය ඉගෙන ගන්න නම් අනිවාර්යයෙන්ම අපිට තියෙන්න ඕනි Hardware ගැන දැනුමක්.අපි ක්‍රමානුකුලව ඉගෙන ගනිමු.
ජංගම දුරකතනයක් ගලවා බැලූ අයෙක් දන්නවා මේකේ තියන කොටස් මොනවාද කියලා,ඒත් දන්නේ නැතුව ඇති මොන මොන දේවල්ද සිද්ද වෙන්නේ කියලා.අපිට mobile phone එකෙන් කරන්න පුළුවන් හැම ප්‍රාතිහාර්යකම අවශ්‍ය වෙන කොටස් අපි සලකා බලමු.
1. IC ( සංගෘහිත පරිපථ)
නියමිත කාලයකට හා ප්‍රමාණයකට අනුව විශේෂිත කාර්යයන් කිහිපයක් තනිව සිදුකල හැකි පරිපථයකි.
ජංගම දුරකතනයක එක එක ජාතියේ IC තියනවා.ජංගම දුරකතනයක සියලුම ක්‍රියා පාලනය කරන්නේ මේ IC යොදාගෙන.දැන් අපි එකින් එක සලකා බලමු.ප්‍රධාන වශයෙන් වර්ග තුනක් සලකා බලනවා,
Pin IC-මේවාගේ තියෙන්නේ පින්.කිහිප වතාවක් උනත් පාස්සා ගත හැක.ගොඩාක් තියෙන්නේ පරණ දුරකථන වල.
Path IC මෙම IC වර්ග දෙක නැවත නැවතත් කිහිප වාරයක් වුවත් පාස්සා ගත හැක.බොහෝ විට තවත් දුරකතනයකින් ගලවා පාස්සා ගත හැක්කේ මෙම IC දෙවර්ගයයි.
Micro Ball Grid Array(MBGA)-වර්තමානයේ භාවිතා වන තාක්ෂණයෙන් දියුණුම IC එක මෙය වේ.බිම වැටීමෙන් ,වතුර යාමෙන් පහසුවෙන් හානි විය හැක.නැවත නැවත පෑස්සිය නොහැක.ඊට හේතුව තමයි,මේ IC පාස්සන්න තියෙන්නේ කුඩා ඊයම් බෝල.එක වතාවක් ගැලවුවට පස්සේ මේ ඊයම් බෝල ඉවත් වෙනවා. ඒ නිසා නැවත පාස්සන්න බැහැ.
දැන් අපි සලකා බලමු ජංගම දුරකතනයක භාවිතා වන IC ගැන.
1. Antenna Switch- RX සම්බන්ධ කර ගැනීම හා TX පිට කිරීම සිදු කරයි.හානි වීමෙන් සම්පුර්ණයෙන්ම හෝ එක් සංඛ්‍යාත පරාසයකට අයත් සිම් වලට පමණක් සිග්නල් නැති වීම සිදුවේ.Path IC එකකි.
2. R.F. Processor - මේ IC එක තමයි signal පරිපථයේ ප්‍රධානියා,ඒ වගේම Phone එක on වීමට අත්‍යාවශ්‍යම කොටසකි.ඇතුලට සිග්නල් පාලනය කරයි.
3. Power Amp- ඔන්න,phone එක ඇතුලෙත් තියනවා Power Amp එකක්.මේකෙන් කරන්නේ පිටතට යන තරංග අවශ්‍ය තරමට වර්ධනය කරනවා.මොකද අපේ Phone එකේ ඉඳලා Tower එකට ගමන් කරන්න තරම් Signal එක Powerful වෙන්න ඕන.එතකොට හිතා ගන්න phone එක කෝට්ටේ යට තියාන නිදා ගන්න එක කොචර අවදානමද කියලා.
4. Filters- දැමු SIM එකට අදාළ signal එක පෙරීම සිදුකරයි.
5. Crystal –RF IC හා audio IC අතර සම්බන්ධතාවය පවත්වා ගනී.
6. V.C.O- Voltage control Oscillator පැරණි දුරකථන වල භාවිතා විය.නව දුරකථන වල භාවිතා නොවනතර RF IC එකට සම්බන්ධව පවතී.path ic එකකි.
7. Power IC -දුරකථනය ඇතුලත සාම තැනටම අවශ්‍ය පරිදි විදුලිය බෙදාහැරීම සිදු කරයි.
8. Audio IC -ශබ්ද සම්බන්ධ සියලු කටයුතු පාලනය කරයි.
9. CPU දුරකතනයේ මොලය ලෙස හැදින්විය හැක.දුරකථනය ඇතුලත සියලු විධි විධාන පාලනය කරයි.දුරකථනය ON වීමට අත්‍යාවශ්‍යය.MBGA IC එකකි.
10. ROM –Software එක මෙම IC එක තුල තැන්පත් වේ. MBGA
IC එකකි.
11. RAM (Phone Memory)-තාවකාලික දත්ත මෙය තුල තැන්පත් වේ.
12. Keypad IC - Keypad සම්බන්ධ සියලු කටයුතු පාලනය කරයි.
13. Sim IC –Sim එකක් දැමු බව හඳුනා ගනී. MBGA
IC එකකි.
14. LCD Light
IC (Display light IC)-Display හා Keypad බල්බ පාලනය කරයි.
15. Bluetooth IC – Bluetooth සම්බන්ධ සියලු කටයුතු පාලනය කරයි.
අලුතින් එන දුරකථන වල මේ IC ඇති නැති බව හා අඩු වැඩි වීම් සිද්ද වෙනවා.එත් මූලිකම IC ටික තමයි මේ ටික.
අපි නැවත තවත් කොටසකින් හමු වෙමු.
ඔයාලා මේකෙන් දෙයක් ගත්තා නම් මතක ඇතිව Comment එකක් දාලා යන්න.
